Thuto 1: Go rulaganya le go lokišetša sehlogo(article) sa gago 

Thutong ye, o tla ithuta ka moo o ka rulaganyago le go itokišeletša go ngwala sehlogo sa gago. Se se akaretša go tšea sephetho ka hlogotaba, go kwešiša gore ke tshedimošo efe yeo e šetšego e ngwadilwe ka hlogotaba yeo o e kgethilego le gore o ka hwetša kae methopo ya tshedimošo yeo e go thušago go ngwala sehlogo sa gago.

Mafelelong a thuto ye o tla kwešiša ka moo o ka:

• Rulaganya le go nyakišiša sehlogo(article) sa gago
• Hlaola methopo ya tsebišo bakeng sa sehlogo sa gago
• Beakanya sehlogo sa gago e le gore se balege gabonolo le go thabiša

Rulaganya le go nyakišiša sehlogo(article) sa gago

1. Dira pheto ka hlogotaba

Ke hlogotaba efe yeo o yago go nyakišiša le go ngwala ka yona? Go araba potšišo yeo o swanetše go ipotšiša gore:

• Na ke hlogotaba ye e leketšego wepesaete yeo etlago phatlalatšwa go yona. Mohlala – sehlogo sa go nošetša dibjalo se loketše wepesaete ya go lema dirapana eupša sehlogo sa dithuthuthu (motorbikes) ga go bjalo.
• Na e tsena ka gara ga legoro leo le lego gona wepesaeteng yeo?
• Na go šetše go na le sehlogo mo wepesaeteng seo se lebanego le hlogotaba ye e itšego, goba yeo sepedišanago le yona?

2. Methopo ya tshedimošo 

Ge o šetše o kgethile hlogotaba yeo o tlago go ngwala ka yona, o tla  swanela ke go hwetša methopo ye mengwe ya tshedimošo gore o e ngwale. Ipotšiše gore ke tshedimošo ya mohuta mang yeo ke e nyakago le gore nka e hwetša kae. Mohuta le methopo ya tshedimošo yeo o e kgethilego. Ge o ngwala ka ga go lema dirapana o ka hwetša tshedimošo ka:

• Go etela bokgobapuku(library) bja lefelong la geno bakeng sa dipuku tša go lema dirapana.
• Go boledišana le balemi ba dirapa ba lefelong leo le balemi ba lefelong la geno.
• Go nyaka tshedimošo inthaneteng.Go  tlaba le diwepesaete tše ntši ka go lema dirapana le go bjala dilo

Ge o ngwala ka ga ditšhaba tša selegae, histori ya tšona le meetlo, o ka hwetša tshedimošo:

• Go boledišana le go boledišana le batho ba bagolo setšhabeng sa geno bao ba ka bago le tshedimošo ka ga histori ya kgoro le dikanegelo tša borakgolokhukhu le tsebo ya setšo.
• Go nyaka tshedimošo inthaneteng , mohlala-Dihlopha tše dingwe tša tirelo ya leago(facebook) di na le tshedimošo ye ntši kudu ka ga dihlogo tše di fapanego go akaretšwa le histori ya kgoro.

3. Go utswa lego kopiša

Ge o ngwala sehlogo sa gago, go bohlokwa go ngwala selo sa moswananoši. O se ke wa kopiša methopo yeo o e šomišago, phema go utswa dingwalwa le go kopiša dingwala ka go latela magato a:

1. Bala sehlogo seo se go kgahlišago (bjalo ka ge o be o tla dira kuranta, puku goba sehlogo.
2. Beela sehlogo ka thoko gomme o ngwale kanegelo ka fao o e kwišišago ka gona- ka mokgwa wo o bego o tla botša bagwera ka dikanegelo tšeo di balwago ka dikuranta/dipukung.
   

Se se tlago go tšwa e tla ba ka mantšu a gago, thulaganyo le lentšu. O tla belaela dikarolo tše dingwe, wa oketša tshedimošo ye ntši goba wa gatelela moo e tla bago ga tlhago gore o dire bjalo. Se se tla tšweletša dihlogo tša mathomo le tše di kgahlišago.

Mošomo 1.1

Tsela e botse ya go hlama dikgopolo tša sehlogo se sefsa ke go hlama mmapa wa monagano pampiring. Mmapa wa monagano ke seswantšho seo se šomišwago go rulaganya tshedimošo ka pono. Mohlala wa mmapa wa monagano ke wo.

Bjale fetša metsotso e mehlano o hlama mmapa wa gago wa monagano bakeng sa dingwalwa tšeo di ka bago gona.

Rulaganya le go beakanya sehlogo sa gago

1. Itokišetše go ngwala

Go bohlokwa go rulaganya sengwalwa sa gago le go nagana ka thulaganyo ya sona pele o se ngwala. O swanetše go hlama sehlogo, o tšee sephetho sa gore o tla tsebagatša hlogotaba bjang, gore ke tshedimošo efe yeo o tlago e akaretša karolong ye kgolo (‘mmele’) ya sengwalwa gomme sa mafelelo gore o tla e fetša bjang.

 2. Rulaganya mongwalo wa gago

Lokeletša dintlha ka moka tše dikgolo tšeo o nyakago go di akaretša ke moka o katološetše tše ka dirapa. Serapa ke sehlopha sa dipolelo mabapi le kgopolo e tee ye kgolo. Se se tla dira gore mongwalo wa gago o kwešišege kudu le go balwa gabonolo, go etša ge go tla dira bjalo ka go beakanya sehlogo sa gago.

3. Beakanya sehlogo sa gago

Oketša Sub-headings (H2 heading in WordPress) go dira gore go be bonolo go mmadi. Headings le subheadings di aroganya sengwalwa gomme di fa sekgoba magareng ga ditemana le dikgopolo tša gago.

4. E dire gore e loke feela

Diriša dipolelo tše kopana le polelo ye bonolo. Dula o le ntlheng gomme, ka ntle le ge o ngwala sehlogo se se tletšego kudu goba se setelele, phema go ba le mantšu a fetago 400 sehlogong sa gago. E sego e telele kudu e bile e sego e kopana kudu!

5. Nagana ka go oketša seswantšho sa maleba goba faele ya modumo

Go oketša seswantšho goba faele ya modumo go dira gore sehlogo sa gago se kgahliše kudu le go kgahliša mmadi!

Sešupo 

Bjale nagana ka hlogotaba ya sehlogo seo o ratago go se ngwala. Rulaganya thulaganyo ya sehlogo, o gateletše kamoo peakanyo le thulaganyo di bego di ka lebelega ka gona.

Mošomo 1.2

Rulaganya sehlogo sa gago ka go kgetha dihlogo tše dikgolo tšeo o nyakago go di akaretša. Tše di ka fetoga dihlogo tša gago le dihlogo tše nnyane. Gape akaretša methopo efe goba efe ya ditaba yeo o rulaganyago go e oketša go sengwalwa sa gago go swana le diswantšho, diswantšho, difaele tša modumo goba dikotwana tša bidio.

Kakaretšo

Thutong ye o ithutile:

• Tsela ya go rulaganya sengwalwa sa gago, go akaretšwa go tšea sephetho ka hlogotaba, go nyakišiša sengwalwa sa gago le ditaba tše di dikologilego go utswa le tokelo ya ngwalollo.
• Tsela ya go rulaganya sehlogo sa gago, go akaretša le go se rulaganya le go se beakanya.

Developed with the support of the: