Ingabe ufuna kufundza emakhono lamasha mahhala?

Asifundze ngelulwimi lwakho, ngesikhatsi sakho nangelucingo lwakho.

Singeniso sekushicilela ku-inthanethi usebentisa i-WordPress

Kulekhozi, utawufundza kubhala nekushicilela lokucuketfwe ku-inthanethi. Utawutfola emathiphu ekulungiselela tindzaba, kutfola imitfombolwati yetindzaba takho nekutsi ubhala njani futsi ushicilela njani lokucuketfwe longakaze kushicilelwe loku bantfu bangafuna kukufundza. Utawuphindze utfole singeniso WordPress, lekuyinkhundla yekushicilela letsandvwa kakhulu futsi lesetjentiswa kabanti ku-inthanethi. Kunetinzuzo letinyeti tekufundza kushicilela ku-inthanethi:

  • Utawufundza emakhono ladlulisekako – njengekuchumana kwekubhala neku-editha – longawabhala ku-CV yakhi futsi uwasebentise esikhatsini semsebenti longahle uvele ngalokutako.
  • Ngetulu kwa-40% wemawebhusayithi onkhe laku-inthanethi akhiwe ngekusebentisa i-WordPress ngako-ke kuba nelwati lwekutsi asentjetiswa njani kutakusita kutsi utfutfukise emakhono akho edijithali. 
  • Ungaba ngumshicileli ngekwakho. Sebentisa lokufundza kulekhozi kuze utakhele iwebhusayithi yakho mahhala! Ungabhala nganoma yini loyifunako – kudla, imvelo, libhizinisi, libhola letinyawo njll. Loku kungandzisa tetsameli takho kanye ne-nethiweki yakho. Utawuba ngumkhiciti walokucuketfwe wase-Afrika – umbhali, hhayi umfundzi nje. Ungacala ngisho nelibhizinisi lakho ku-inthanethi!

Sifundvo 1: Kuhlela nekulungiselela indzaba yakho 

Kulesifundvo, utawufundza kutsi ungahlela njani futsi ulungiselele njani kubhala indzaba yakho. Loku kufaka kuncuma ngesihloko, kuvisisa kutsi nguluphi lwati leselubhaliwe kusihloko losikhetsile nekutsi ungayitfola kuphi  imitfombo yelwati kukusita kutsi ubhale yakho indzaba.

Ekupheleni kwalesifundvo utawuvisisa ku:

  • Beka kahle indzaba yakho kuze kube lula futsi kujabulise kuyifundza
  • Hlela futsi ucwaninge indzaba yakho
  • Khomba imitfombo yelwati yendzaba yakho
Cala Sifundvo 1: Kuhlela nekulungiselela indzaba yakho 

Sifundvo 2: Tinyatselo tekushicilela indzaba ku-inthanethi

Kulesifundvo, utawufundza kabanti ngekutsi ungena njani kuwebhusayithi kuze ushicilele indzaba yakho. Loku kufaka: 

  • Kungena kuwebhusayithi, 
  • Kubhala indzaba yakho, 
  • Kufometha (formatting) kubhala kwakho, 
  • Kwengeta imidiya, emathegi kanye netigaba kundzaba yakho, kanye
  • Nekuyiseva kute ibuyeketwe. 

Kwentela injongo yalekhozi, sitawusebentisa iwebhusayithi ye-Diji njengesibonelo sewebhusayithi se-WordPress. 

Ekugcineni kwalesifundvo utawukwati ku:

  • Editha (edit) indzaba yakho ngemuva kwekuyiseva
  • Ngena (“Log in”) kuwebhusayithi ye-WordPress
  • Bhala ufomethe (formatting) indzaba yakho 
  • Ngeta imidiya (media) kundzaba yakho 
  • Ngeta tigaba (categories) nemathegi (tags) kundzaba yakho 
  • Seva (save) i-athikili yakho 
Cala Sifundvo 2: Tinyatselo tekushicilela indzaba ku-inthanethi