Ngudo 1: U pulana na u lugisela Athikili

Kha heyi ngudo, vha ḓo guda uri vha nga pulana hani na u lugisela u ṅwala athikili yavho. Hezwi zwi katela u nanga thero, u pfesesa uri ndi mafhungo a fhio o no ṅwaliwaho kha thero yo nangiwaho na uri ndi ngafhi hune vha nga zwana zwiko zwa mafhungo a u vha thusa u ṅwala athikili yavho.

Mafheleloni a heyi ngudo vha ḓo pfesesa uri vha nga ita hani:

• Pulani na ṱhoḓisiso ya athikili yavho
• U tumbula zwiko zwa mafhungo a ḽiṅwalwa ḽavho
• U vhekanya athikili yavho u itela uri zwi a leluwa na u takadza u vhala

Pulanani na u ṱoḓisiso ya athikili yanu

1. Nangani thero

Ndi ifhio thero ine na ḓo i ṱoḓisisa na u ṅwala ngayo? U fhindula heyi mbudziso vha tea u ḓi vhudzisa: 

• Ndi thero yo teaho kha webusaithi ine ya ḓo gandiswa? E.g. athikili kha u sheledza zwimela ndi ḽo teaho kha webusaithi ya vhulimangade fhedzi athikili kha zwithuthu a si ḽone. 
• Yo lugela u vha tshiteṅwa tshire hone kha webusaithi?
• Na hu na athikili i re hone kha webusaithi ine ya shuma kha heyi thero kana na u kwamana nayo?

2. Vhaṅwali vha mafhungo  

Musi vho no nanga thero ine vha ḓo ṅwala nga hayo, vha ḓo ṱoḓa u wana vhaṅwe vhaṅwali vha mafhungo vha u ṅwala. A vha ḓi vhudzise, uri mafhungo a fhio ane vha a ṱoḓa na uri vha nga a wana ngafhi? Mufuda na zwiko zwa mafhungo ane vha a ṱoḓa a ḓi sendeka kha thero yo nangiwaho. Arali vha tshi ṅwala nga ha vhulimangade vha nga wana mafhungo nga u:

• Endelani ḽaiburariyapo ya bugu dza vhulimangade
• U amba na vhalimangade vhapo na vhalimi kha fhethu havho
• Ṱoḓisisa ya mafhungo kha inthanethe. Hu ḓovha na webusaithi nnzhi nga ha vhulimangade na u lima zwithu. 

Arali vha tshi ṅwala ngaha mivhundu yapo na ḓivhazwakale na maitele, vha nga wana mafhungo nga u:

• U amba na u vhudzisa vhathu vhahulwane kha muvhundu wavho vhane vha ngavha na mafhungo a ḓivhazwakale ya lushaka na nganea dza vhomakhulukuku, maitele na nḓivho ya sialala.
• Amba na vhudzisa vhathu vha u fana na dziṅanga dza sialala na vharendi.
• Ṱoḓisisa mafhungo kha inthanethe. E,g, Zwiṅwe zwigwda zwa Facebook zwi na mafhungo manzhi nga ha thero dzo fhambanaho kathihi na ḓivhazwakale ya lushaka.

3. Vhutswamafhungo na u kopa  

Musi vha tshi ṅwala athikili, ndi zwa ndeme u ṅwala tshithu tshi songo ḓoweleaho na tsha u thoma. Vha songo tou kopa vhaṅwali vho vha shumisaho. A vha iledze vhutswamafhungo na u kopa maṅwalo nga u tevhedza haya maga:

1. Kha vha vhale mafhungo ane a vha takadza (sa hezwi zwine vha nga zwiita kha gurannda, bugu kana athikili)  
2. U vhea mafhungo nga thungo na u ṅwala ngaanea nga nḓila ine vha pfesesa ngayo – nga nḓila nthihi ine vha nga vhudza khonani nga ha ngaane dzo vhaliwaho kha gurannda/bugu.
   

Zwine zwi nga bva zwi ḓovha maipfi avho vhone vhane, thevhekano na ipfi. Vha ḓo vhudzisa zwiṅwe zwipiḓa, a dzhenisa mafhungo manzhi kana u ombedzela hune zwi ngavha ṱhaho kha vhone u ita hezwo. Hezwi zwi ḓo bveledza athikili ya u thoma na ya u dzhenelela.

Vhutswamafhungo na u sa ṅwalwa zwavhuḓi ha ḽiṅwalwa  – maipfi matsuku o kopiwa u bva kha ḽiṅwe ḽiṅwalwa

Mushumo 1.1

Nḓila ya vhuḓi ya u humbula mihumbulo ya athikili ntswa ndi u ita mapa wa ṱhalukanyo kha tshipiḓa tsha bambiri. Mapa wa ṱhalukanyo ndi muolo wo shumiswaho u sumbedza nzudzanyo ya mafhungo. Hafha ndi tsumbo ya mapa wa ṱhalukanyo.

Kha vha dzhie mimunithi miṱanu vha khou bveledza mapa wavho wa ṱhalukanyo wa maṅwalwa a konadzeaho.

Langulani na u dzudzanya athikhili yanu

1. Lugelani u ṅwala 

Ndi zwa ndeme u pulana athikili yanu na u humbula nga ha tshivhumbeo tshaḽo ni saathu u ḽiṅwala. Ni tea u ita ṱhoho, khethani uri ni nga ḓivhadza hani thero, ndi a fhio mafhungo ane na ḓo a katela kha khethekanyo khulwane (mutumbu) ya athikili na uri magumo a ḓovha hani.

 2. Dzudzanyani u ṅwala hanu

Itani mutevhe wa mbuno khulwane dzine na ṱoḓa u zwi katela na u engedza hezwi kha dziphara. Phara ndi tshigwada tsha mutaladzi wa mafhungo nga ha muhumbulo muthihi muhulwane. Hezwi zwi ḓo ita uri maṅwalwa a vho a pfesesehe na u leluwa u vhala, na u dzudzanya athikili yavho .  

3. Dzudzanyani athikili yanu

Dzhenisani ṱhoho-ṱhukhu “subheading” (Ṱhoho “Heading” ya H2 kha WordPress) u ita uri zwi leluwe kha muvhali. Ṱhoho “Heading” na ṱhoho ṱhukhu “Subheading” dzi fhambanya mafhungo na u nea tshikhala vhukati phara dzanu na mihumbulo.

4. Itani zwone

Shumisani mutaladzi wa mafhungo mapfufhi na luambo lwo leluwaho. Dzulani ni kha mbuno na uri nga nnḓa ha musi ni khou ṅwala athikili yo fhelelaho kana ḽilapfu, iledzani u vha na maipfi a 400 kha athikili yanu. Ḽi songo vha ḽilapfu na uri ḽi songo vha ḽipfufhi nga maanḓa!

5. Humbulani u dzhenisa tshifanyiso tsha ndeme kana faela ya mubvumo

Zwino humbulani nga ha thero ya athikili ine na ṱoḓa u ḽiṅwala. Pulanani muhumbulo wa ḽiṅwalwa, ni sumbedze uri ni nga dzudzanya hani na uri tshivhumbeo tshi ngavha hani!

Ngelekanyo

Zwino humbulani nga ha thero ya athikili ine na ṱoḓa u ḽiṅwala. Pulanani muhumbulo wa ḽiṅwalwa, ni sumbedze uri ni nga dzudzanya hani na uri tshivhumbeo tshi ngavha hani.

Mushumo 1.2

Pulanani athikili yanu nga khethe thero khulwane dzine na ṱoḓa u dzi ita. Hezwi zwi ngavha ṱhoho “heading” na ṱhoho ṱhukhu “subheading”. Ni dovhe ni katele zwirathisi zwa mafhungo zwine na pulana u dzhenisa kha ḽiṅwalwa ḽanu sa miolo, zwifanyiso, faela ya zwo rekhodiwaho kana vidio pfufhi.

Maṅweledzo

Kha heyi ngudo ye na guda:

• Ni nga pulana hani athikili, ho katelwa na u khetha thero, u ṱoḓisisa athikili yavho na thaidzo kha vhutswamafhungo na nzivhanyedziso.
• Ni nga dzudzanya hani athikili yanu, kathihi na u ḽi langula na u ḽi vhekanya.

Developed with the support of the: