Ingabe ufuna ukufunda amakghono amatjha simahla?

Asifunde ngelimi lakho, ngesikhathi sakho nangefowunu yakho.

Kilekhosi (course), uzokufunda ukutlola nokuveza imitlolo ku-inthanethi. Uzokuthola amano wokulungiselela ama-athikili, ukuthola imithombo yelwazi yama-athikili (umtlolondaba) wakho nokuthi ungatlola bewuveze njani imitlolo yamambala ezokwenza ukuthi abantu bafune ukuyifunda. Ngaphezulu kwalokho, uzokuhlonyiswa ngesethulo sokusebenzisa i-WordPress, okuyikundla ethandwako nesetjenziswa khulu yokuveza imitlolo nge-inthanethi. Kunengi ozokuzuza ngokufundela ukuveza imitlolo nge-inthanethi: 

  • Uzokufunda amakghono adluliselwako – njengokukhulumisana ngokutlola noku-editha – ongawafaka ku-CV yakho begodu uwasebenzise emsebenzini ozowuthola esikhathini esizako.
  • Amawebhusayidi angaphezulu kwama-40% ku-inthanethi akhiwe ngokusebenzisa i-WordPress, yeke ukwazi ukuyisebenzisa kuzokusiza ukuthuthukisa amakghono wakho wedijithali.
  • Ungaba mvezimitlolo (publisher) ozisebenzako. Sebenzisa lokho okufunda kilekhosi ukwakha iwebhusayidi yakho simahla! Ungatlola ngananyana yini oyithandako – ukudla, imvelo, irhwebo, ibholo njll. Lokhu kungangezelela abasekeli bakho nabantu okhozisana nabo. Uzokuba mvezi weendaba ze-Afrika – umtloli, ingasi umfundi kwaphela. Ngaphezulu kwalokho, ungazithomela irhwebo ethi wena ye-inthanethi!

IIsifundo soku-1: Ukuhlela nokulungiselela i-athikili (umtlolondaba) yakho

Esifundweni lesi, uzokufunda indlela yokuhlela nokulungiselela ukutlola i-athikili yakho. Lokhu kufaka phakathi ukukhetha isihloko esinembako, ukuzwisisa ukuthi ngiliphi ilwazi esele kutlolwe ngalo malungana nesihloko osikhethileko nokuthi ungayithola kuphi imithombo yelwazi ezokusiza ukutlola i-athikili yakho.

Thoma Isifundo soku-1: Ukuhlela nokulungiselela i-athikili (umtlolondaba) yakho

Isifundo sesi-2: Amagadango wokuveza i-athikili nge-inthanethi

Esifundweni lesi, uzokufunda ngokunabileko ukuthi ungangena njani kuwebhusayidi ukuze ukghone ukuveza indatjana yakho

Thoma Isifundo sesi-2: Amagadango wokuveza i-athikili nge-inthanethi