IIsifundo sesi-2: Amagadango wokuveza i-athikili nge-inthanethi 

Esifundweni lesi, uzokufunda ngokunabileko ukuthi ungangena njani kuwebhusayidi ukuze ukghone ukuveza indatjana yakho. Lokhu kufaka phakathi: 

  • Ukungena kuwebhuyasidi, 
  • Ukutlola i-athikili yakho, 
  • Ukufometha (formatting) umtlolo wakho, 
  • Ukufaka imidiya, amathegi (isihloko, igama lomtlolo, umhlobo womtlolo) neengaba ku-athikili yakho, begodu 
  • Uyiseyive ukuze ibuyekezwe. 

Ngeminqopho yekhosi le, sizokusebenzisa iwebhusayidi ye-Diji njengesibonelo sewebhusayidi ye-WordPress.

Ekupheleni kwesifundo lesi uzokwazi: 

  • Ukungena (Log in) kuwebhusayidi ye-WordPress
  • Ukutlola nokufometha i-athikili yakho
  • Ukufaka imidiya ku-athikili yakho
  • Ukufaka iingaba (categories) namathegi (tags) ku-athikili yakho
  • Ukuseyiva i-athikili yakho
  • Uku-editha amaphutha ku-athikili yakho ngemva kokuyiseyiva

Ibuyekezo yamagadangointshi amanyathelo

Ngaphambi kokungena kuwebhusayidi, nangabe ufuna ukutlolisa i-akhawundi kodwana usengakakwenzi lokho: 

  1. Iya ku-www.diji.africa/nr/wp-admin, 
  2. Qhwarhaza ikunubhe elithi “Tlolisa (Register)” elingenzasi bese 
  3. Ulandela imiyalo ukuze uqedelele ukutlolisa i-akhawundi yakho.

Igadango loku-1: Ngena kuwebhusayidi (Log in)

Nangabe une-akhawundi etlolisiweko begodu ufuna ukungena kiyo, landela amagadango alandelako: 

  1. Iya ku-www.diji.africa/nr/wp-admin (Kulapho ongena khona kuwebhusayidi). 
  2. Tlola igama lakho lomsebenzisi namkha ikheli yeposomoya/ye-imeyili (email) ebhoksini lokuthoma.
  3. Tlola iphasiwedi yakho (isilodlhelofihlo) (password) ebhoksini lesibili.*
  4. Qhwarhaza ibhoksi elitlolwe “Remember Me (Ngikhumbula)” 
  5. Qhwarhaza ebhoksini elitlolwe “Log In (Ngena Kuwebhusayidi)”.

*Ungatjhugulula iphasiwedi yakho ngokuqhwarhaza ku-“Ulahlekelwe yiphasiwedi yakho? (Lost your password?)” ekhasini lokungena kuwebhusayidi. Qinisekisa ukuthi iphasiwedi yakho etja iqinile ngokufaka amatshwayo anje, isib. @, ! begodu *, amagabhadlhela neenomboro. Gcina iphasiwedi yakho iphephile ukuze kungabi nomuntu oyibonako.nokuyibona.

Igadando lesi-2: Tlola i-athikili (iphosti)

Nasele ungenile ku-akhawundi yakho, uzokubona ukuthi kunomuda onzima (black bar) ovelako ngaphezulu ekhasini. Ukuzijayeza amagadango angenzasi, vula ikhasi namkha isitjengisi (window) esitjha. Lokhu kuzokuvumela ukuthi wenze isifundo, begodu uzijayeze lokho okufundako, ngesikhathi sinye.

  1. Qhwarhaza ku-“+”
  2. Imenyu (menu) izokuvela. Qhwarhaza ku-“Phosta (Post)”.

1. I-WordPress ibiza ama-athikili ngamaphosti (posts). Ukufaka iphosti (post) etja, qhwarhaza itshwayo +
2. Irhelo lalokho ongakukhetha (dropdown menu) lizokuvela. Ukuthoma iphosti, qhwarhaza ku-“Phosta (Post)”.
3. Uzokusiwa ekhasini lapho ungafaka khona isihloko nomtlolo wephosti yakho. 

Faka isihloko (heading) ephostini yakho

Kwanje sele ukulungele ukuthoma ukutlola i-athikili yakho namkha iphosti. Uzokuthoma ngokutlola isihloko bese ulandela ‘ngomzimba’ wephosti yakho:

  1. Thoma ukutlola i-athikili yakho ngokufaka isihloko.
  2. Ebhoksini lokuthoma elithi faka “Add title” (Faka isihloko) uzokutlola isihloko se-athikili yakho (iphosti).
  3. Isihloko sakho kufanele sihlathulule okumumethwe yi-athikili yakho. Isibonelo esithi “Ukupheka” sitlolwe ebhoksini.

Tlola umzimba we-athikili yakho namkha iphosti

Nawuqala ebhoksini lokuthoma, uyabona ukuthi isihloko sifakiwe. Kwanje sele ukulungele ukufaka umtlolo wakho (obizwa nangokuthi mzimba) we-athikili yakho namkha iphosti: 

  1. Ebhoksini lesibili lomtlolo omkhudlwana ngaphasi kwesihloko, thoma ukutlola umtlolo wakho.
  2. Esibonelweni lesi kufakwe umtlolo olandelako: “I-athikili yami yokuqala yokupheka lena ngyethemba ukuthi nizokujabulela ukuyifunda.” / “Le yi-athikili yami yokuthoma engiyitlolileko malungana nokupheka. Ngithemba ukuthi uzokuthabela ukuyifunda.” 
  3. Lokhu kusese singeniso se-athikili yakho. Ungafaka umtlolo omnengi ngendlela othanda ngayo, begodu uwuleke ngendlela ofuna ngayo.

Ukususa ifomethi (formatting) yomtlolo okopiweko

Ukukopa nokunamathisela umtlolo ovela emithonjeni ehlukileko kungakhiqiza amakhasi wewebhusayidi ahlangahlangeneko. Kungcono ukwenza umtlamo (draft) we-athikili yakho ku-WordPress bese uyawuseyiva ukuze ukwazi ukusebenzela kiwo ngokukhamba kwesikhathi. Kodwana, nangabe utlole umtlolo wakho kwenye indawo (ku-Microsoft Word, ku-Google Docs) begodu ufuna ukuwukopa bewuwunamathisele ephostini yakho, kufanele ususe nanyana ngiyiphi ifomethi ekhona ngendlela elandelako:

  • Kopa umtlolo ku-Google namkha ku-Word
  • Qhwarhaza ehlangothini lesidleni ku-athikili lapho ufuna ukufaka khona umtlolo begodu
  • Utjhinge ku-“Paste and Match Style” (Namathisela Begodu Wenze Isitayela Sifane), umyalo lo ungahle uhluke kuumphenyi zewebhusayidi (web browsers) ezihlukileko.

Ungasebenzisa ne-GMail ukususa ifomethi ngaphambi kokuyifaka ku-athikili yakho ngendlela elandelako:

  1. Namathisela umtlolo wakho kumtlamo weposomoya (draft email)
  2. Qhwarhaza ku-“More options” (Okhunye ongakwenza), amaqatjhazi amathathu angaphasi kwesikghonakalisikusebenza (toolbar) se-GMail 
  3. Qhwarhaza ku-”Plain text mode” (Umhlobo womtlolo onganafomethi)
  4. Kopa bewunamathisele umtlolo ku-athikili yakho ku-WordPress. 

Amaqhinga lawa azokususa ifomethi ku-athikili yakho. Ngemva kwalokho ungayifomethela iwebhusayidi (qala igadango lesi-3 ngenzasi). kususa ubume kwinqaku lakho. Emva koko unokuyilungisa kwiwebhu (jonga Inyathelo 3 ngezantsi).

Igadango lesi-3: Hlela ukutlola kwakho

Ungenza iphosti yakho iqaleke ngcono ngokusebenzisa amathulusi wokufometha (formatting tools) njengokwenza amarhelo (lists), ukufaka iinhloko, ukwenza imitlolo ibenzima (bold) namkha itjhigame (italics). Njenge-Microsoft Word, ungaqhwarhaza u-“B” kumenyu (irhelomininingwana) ukwenza umtlolo ube nzima namkha ku-“I” nangabe ufuna umtlolo utjhigame. Elinye igama lokufometha kuleka (lay out).

Amathulusi wokufometha (formatting tools)

Ukufaka isihloko

Iinhloko zihlukanisa umtlolo we-athikili yakho begodu ziyenze ibe lula ukuyifunda. Ungafaka iinhloko neenhlokwana nangabe utlola ngento ethileko ngokunabileko.  

  1. Kokuthoma, thatha isiqunto ngesihloko ngaphambi kokutlola.
  2. Okulandelako, qhwarhaza itshwayo + ukufaka ibhlogo (block) bese ukhetha ibhlogo ethi “Isihloko (Heading)”. Nangabe awuyiboni, ungayifuna ekundleni yokusetjha (search bar) lapho ethi, “Search for a block” (Funa ibhlogo).

3. Tlola isihloko sakho. Sizokufakwa njenge-‘Isihloko 2 (Heading 2)‘, okulungele isihloko ngaphakathi komtlolo. Ungafaka amazinga ahlukileko weenhloko ngokuya ngeendingo zakho. Isib. Nawutlola ngokupheka, ungafaka “ImiHlobo yemiRorho (Types of Vegetables)” njengesihloko se-H2 bese ufake “Amatamati (Tomatoes)”, “Ama-anyanisi (Onions)” begodu “Isipinatjhi (Spinach)” njengeenhlokwana ze-H3 ze-“ImiHlobo yemiRorho (Types of Vegetables)”.

4. Nawuqhwarhaza ikunubhe ethi “Enter” (Ngena), umuda olandelako ozokubuyela ube mtlolo ojayelekileko (okutjho ukuthi kuzokuba mtlolo wendima).

Seyiva umsebenzi wakho

Kufanele useyive i-athikili yakho ngesikhathi uragela phambili usebenzela kiyo ukwenzela ukuthi amatjhuguluko owenzileko angalahleki. Ukwenza lokhu qhwarhaza ikunubhe ethi “Save draft” (Seyiva umtlamo) engaphezulu ekhasini. Nawusebenzisa ufunjathwako, ikunubhe leli lizokuba lisungulo elincani netshwayo lelifu.

Umsebenzi 2.1

Kwanje sebenzisa lokho okufundileko ukwenza i-athikili yakho yokuthoma ku-Wordpress. Ungatshwenyeki, akudingeki ukuthi ungabi neemphoso. Yenza iphosti etja, faka isihloko bese utlola umtlolo esitjengisini somzimba (body window). Nasele ukwenzile lokhu, seyiva i-athikili yakho.

Amabhlogo (Blocks)

I-WordPress isebenzisa amabhlogo wokwakha (building blocks) ahlukileko ukukusiza ukuthi uleke i-athikili yakho. Yeke, nangabe ufuna ukufaka isihloko, uzokufaka ibhlogo yesihloko njengombana kutjengiswe ngenzansi.

Nangabe ufuna ukufaka irhelo (list), uzokusebenzisa ibhlogo yerhelo (list block).

Ungatjhidisa amabhlogo ngokusebenzisa iinkomba eziqale phasi naphezulu (up and down arrows).

Ungatjhugulula nomhlobo webhlogo ngokuqhwarhaza ibhlogo, uqhwarhaze isithonjana (icon) salo esingaphezulu ehlangothini lesincele leskrini. Ngaphasi komtlolo othi, “Transform to” (Tjhugululela ku-) ungakhetha umhlobo omutjha webhlogo ongathanda ukuwusebenzisa.

Yenza irhelo

Ungasebenzisa iinhlamvu (bullet points) namkha iinomboro ukwenza irhelo. Amarhelo asiza ukuqinisekisa ukufundeka nokuleka ilwazi.

  1. Nangabe ufuna ukwenza irhelo, qhwarhaza itshwayo + ukufaka ibhlogo bese ukhetha ibhlogo ethi “Irhelo (List)”. Nangabe awuliboni, ungalifuna ekundleni yokusetjha (search bar) lapho ethi, “Funa ibhlogo (Search for a block)”.
  2. Faka i-ayithemu (list item) yokuthoma erhelweni lakho.
  3. Ngaso soke isikhathi nawufaka i-ayithemu etja ngokuqhwarhaza ikunubhe “Enter” (Ngena) bese uya emudeni olandelako, ihlamvu (bullet point) etja izokwenzeka.

Ukufaka iinhlanganisimitlolo (hyperlinks)

Iinhlanganisimitlolo (hyperlinks) ziinhlanganisi zokhunye okumumethwe yi-inthanethi. Ungakghona ukungena kwenye i-athikili kuwebhusayidi yinye (isihlanganisimitlolo sangaphakathi) namkha kwenye iwebhusayidi (isihlanganisimitlolo sangaphandle). Ukufaka isihlanganisimitlolo:

  1. Khetha umtlolo ofuna ukuwusebenzisa ukwenza isihlanganisimitlolo. Isib. Nawutlola ngemirorho, ungahlobanisa igama elithi “amatamati (onions)” ne-athikili enqophileko malungana nemihlobo ehlukeneko yamatamati.
  2. Ngemva kokuthi ukhethe umtlolo ofuna ukuwusebenzisa ukwenza isihlanganisimitlolo, qhwarhaza ikunubhe yokuhlanganisa (eqaleka njengethungelewano leketani (chain link)) ngaphezulu eskrinini.
  3. Nangabe uhlanganisa ama-athikili kuwebhusayidi osebenza kiyo, ungasetjha ama-athikili kuwebhusayidi. Nangabe uhlanganisa ama-athikili akwamanye amawebhusayidi, iwebhusayidi yangaphandle, kufanele ufake i-URL (ebizwa nangokuthi yikheli lewebhusayidi).
  4. Tjhelelisela/Slayidela (Slide) i-“Vula ekhasini elitjha (Open in a new tab)” ehlangothini lesokudla nangabe ufuna ukuthi isihlanganisimitlolo sivuleke esitjengisini esitjha (new window). Indlela ejayelekileko kukuthi:
    • Nangabe ama-athikili akuwebhusayidi efanako, iinhlanganisimitlolo zizokuvuleka esitjengisini esifanako.
    • Nangabe ama-athikili akuwebhusayidi engaphandle, iinhlanganisimitlolo zizokuvuleka esitjengisini esitjha.

Ukuqakatheka kokufometha

Tjheja umehluko phakathi kwe-athikili esehlangothini lesincele naleyo esehlangothi lesokudla.
Enye inomtlolo ongakafomethwa begodu enye inomtlolo ofomethiweko ukuze ufake isihloko nerhelo elineenhlamvu (bulleted list)

Umsebenzi 2.2

Buyela ku-athikili obewu sebenza kiyo ngaphambilini. Kwanje fometha i-athikili ufake izinto ezifana nerhelo (list) nesihlanganisimitlolo (hyperlink).  

Igadango lesi-4: Faka amafayili wemidiya (media files)

Ungafaka amafayili wemidiya ukutjengisa i-athikili yakho namkha ukuyenza ukuthi ithabise ebafundini bakho. Ungafaka amafayili wemidiya efowunini, ekhomphyutheni namkha ethebhulethini (tablet) yakho. Ukwenza lokhu:

  1. Qhwarhaza itshwayo + ku-athikili bese ufaka ibhlogo (block) etja. Ungafuna begodu ufake isithombe, ibuthelelo leenthombe – iinthombe ezinengi (gallery), ibhlogo (block) lomdumo namkha levidiyo. 
  2. Ungalayitjha (upload) imidiya ukusuka efowunini yakho. Lokhu kufana nokulayitjha (upload) isithombe kwezinye iinkghonakalisohlelo (apps) namkha kwamanye amawebhusayidi afana ne-Facebook, i-WhatsApp ne-Instagram.
  3. Ngemva kokuthi ukhethe ibhlogo lakho lemidiya (media block), qhwarhaza ikunubhe ethi “Upload” (Layitjha). Uzokwazi ukukhetha ifayila (amafayila) efowunini, ekhomphyutheni namkha ethebulethini yakho, namkha utjhude isithombe ozosilayitjha.

4. Ngemva kokufaka isithombe sinye, ungathatha isiqunto sokufaka ezinye iinthombe ukwenza ibuthelelonthombe. Ukwenza lokhu, tjhugulula umhlobo webhlogo:

  • Qhwarhaza ebhlogweni bese uqhwarhaze esithonjaneni sayo esingaphezulu ehlangothini lesincele leskrini. 
  • Ngaphasi komtlolo othi, “Transform to” (Tjhugulula) ungakhetha umhlobo omutjha webhlogo ongathanda ukuwusebenzisa, kilokhu, ibuthelelonthombe (gallery). Uzokwazi ukukhetha ezinye iinthombe ozozifaka kubuthelelonthombe lakho.

5. Nasele ifayili yakho yemidiya (isithombe, ividiyo namkha umdumo) sele ilayitjhiwe (uploaded) izokuvela ku-“Media Library” (ILayibhrari yeMidiya) begodu abanye abasebenzisi bazokukghona ukuyisebenzisa emaphostini wabo

6. Ungasebenzisa imidiya elayitjhwe babanye abantu kuLayibhrari yeMidiya (Media Library) ngokufaka ibhlogo yemidiya (isithombe, ibuthelelonthombe, ividiyo, njll.), ngokuqhwarhaza ku-“ILayibhrari yeMidiya (Media Library)” bese uqhwarhaze ku-“Khetha (Select)”.

7. Kokugcina, ungahlanganisa eminye imitlolo (content) evela kwezinye iindawo. Ukuhlanganisa imitlolo kuwebhusayidi yakho kutjho ukuthi izokubonakala kuwebhusayidi yakho. Ukwenza isibonelo, ungafaka ibhlogo ye-YouTube bese ukopa ikheli yewebhusayidi bese uyifaka kuwebhusayidi yakho.

Umsebenzi 2.3

Buyela emuva ku-athikili oyenze ngaphambilini. Khetha omunye umtlolo esitjengisini soku-editha (editing window) bese usebenzisa iintayela ezihlukahlukeneko ezifana nokwenza imitlolo ibenzima (bold) namkha itjhigame (italics), ngokusebenzisa isikghonakalisikusebenza (tool bar). Kwanjesi layitjha begodu ufake isithombe ku-athikili. Qhwarhaza ku-“seyiva umtlamo (save draft)”.

Igadango lesi-5: Faka i-athikili yakho/iphosti yakho esigabeni (category) 

Iingaba namathegi kusiza ukuhlela ilwazi kuwebhusayidi ukuze iimvakatjhi zikwazi ukulifikelela lula. Ukwenza isibonelo, iimvakatjhi zewebhusayidi ezinekareko kezokupheka zingaqhwarhaza esigabeni esithi “Cooking” (Ukupheka). Nangabe banekareko ematamatini, bangaqhwarhaza ithegi ethi “Tomatoes” (Amatamati).

Faka i-athikili yakho esigabeni (category)

Nasele uyiqedile i-athikili yakho, kufanele uyifake esigabeni begodu ufake namathegi kiyo. Ukwenza lokhu:

  1. Qhwarhaza ivilo (wheel/ cog) elisekhoneni eliphezulu ehlangothini lesidleni eskrinini.
  2. Qhwarhaza ku-“Phosta (Post)” bese uqhwarhaze ku-“Iingaba (Categories)”. Qhwarhaza ibhoksi elikhambelana nesigaba esifaneleko. Kuzokuvela ithikhi (tick) la.
  3. Esibonelweni, kutjengiswe isigaba esithi “Cooking” (Ukupheka).

Faka amanye ‘amathegi’ anqophileko

Amathegi kufanele kube magama ahlathulula amaphuzu aqakathekileko ephostini yakho begodu kufanele anqophe khudlwana ukudlula iingaba ezijayelekileko. Ukwenza kube lula kubasebenzisi bewebhusayidi ukufunda amathegi wakho, kumbono omuhle ukuthi ube nendlela ejayelekileko yokuwatlola. Ukwenza isibonelo, ungathatha isiqunto sokuthi amathegi kufanele athome ngegabhadlhela (capital letter) begodu asiwe ebunengini (plural form). Kilokhu, amathegi wakho azokuqaleka ngalendlela: “Imihlaza (Carrots)” ingasi “umhlaza (carrot)”. Ukufaka amathegi ephostini yakho, kufanele:

  1. Uqhwarhaze ivilo (cog/wheel) elisekhoneni eliphezulu ehlangothini lesidleni eskrinini. 
  2. Uqhwarhaze ku-“Phosta (Post)” bese uqhwarhaze “Amathegi (Tags)”. 
  3. Lapha kuthi “Faka iThegi eTja (Add New Tag)”, tlola amagama aqakathekileko ahlathulula okumumethwe yi-athikili/iphosti yakho. Isib. Nawutlola esigabeni esithi Ukupheka (Cooking), amathegi wakho angathi “Ama-anyanisi (Onions)”, “Amatamati (Tomatoes)” begodu “Ilethisi (Lettuce)”
  4. Ithegi yinye yanele ukuhlathulula amaphuzu aqakathekileko ephostini. Nangabe ufaka amanye amathegi, kufanele ahlukaniswe ngekhoma. 

5. Ngemva kokufaka i-athikili yakho esigabeni begodu wafaka woke amathegi owafunako, qhwarhaza itshwayo elithi ‘X’ elisekhoneni eliphezulu ehlangothini lesidleni eskrinini ukuvala iinkghonakalisimisebenzi (settings) wephosti begodu ubuyele ku-athikili yakho.

Umsebenzi 2.4

Cabanga ngokuthi ngiziphi iingaba ongazihlobanisa ne-athikili yakho. Imalungana nani? Ungayihlanganisa njani i-athikili yakho namanye ama-athikili? Faka isigaba ku-athikili yakho. Kwanje cabanga ngeenhloko eziku-athikili yakho. Faka lokhu njengamathegi.

Igadango lesi-6: Seyiva begodu uthumele umsebenzi wakho

Kufanele useyive i-athikili yakho ngesikhathi uragela phambili usebenzela kiyo ukwenzela ukuthi amatjhuguluko owenzileko angalahleki. Ukwenza lokhu qhwarhaza ikunubhe ethi “Seyiva umtlamo (Save draft)” engaphezulu ekhasini. Nawusebenzisa ufunjathwako, ikunubhe leli lizokuba lisungulo elincani netshwayo lelifu.

Nangabe utlolela iwebhusayidi, u-Editha wemiTlolo/wokuMumethweko (Content Editor) uzokuhlola umsebenzi wakho ngaphambi kokuwuveza (publish). Lokhu kutjho ukuthi uzokuphostwa begodu uvezwe tjhatjhalazi ukwenzela ukuthi abanye abantu bakwazi ukuwufunda nabavakatjhela iwebhusayidi. Nasele ukulungele ukuthumela i-athikili yakho ukuze u-Editha wemiTlolo awubuyekeze, qhwarhaza:

  1. Ikunubhe ethi “Publish” (Veza) bese
  2. Uqhwarhaze ikunubhe ethi “Submit for Review” (Thumela ukuze kuBuyekezwe).

Lokhu kuzokuba yikomba ku-editha wemitlolo ukuthi sele uqedile nge-athikili yakho begodu ilungele ukubuyekezwa nguye.

Editha umsebenzi wakho

Ungahle ufune ukutjhugulula namkha ukungezelela okuthileko ephostini yakho ngemva kokuyiseyiva. Ukwenza isibonelo, ungahle ufune ukungezelela elinye ilwazi namkha ufune ukulungisa okuthileko okutlolileko. Nangabe kunjalo, ungabuyela ephostini yakho uragele phambili ngokuyi-editha. Uku-editha kutjho ukwenza amatjhuguluko kiyo. Uku-editha iphosti yakho

  1. Kufanele uye ekhasini lekhaya/kudetjhibhodi (dashboard). Ukuze ufike lapho, qhwarhaza imida emithathu kurhelomininingwana (menu) elingaphezulu ehlangothini lesincele eskrinini.
  2. Qhwarhaza egameni elithi “Dashboard” (Idetjhibhodi).
  3. Okulandelako, qhwarhaza igama elithi “Posts” (Amaphosti). Irhelomininingwana (menu) lizokwehla.
  4. Kokugcina, qhwarhaza amagama athi “All Posts” (Woke amaPhosti). Lokhu kuzokusa erhelweni lawo woke amaphosti.
  5. Thola isihloko sephosti ofuna ukuyi-editha.
  6. Sikhethe bese uqhwarhaza ebhoksini elithi “Edit” (Editha) elingaphasi kwesihloko sakho (ephostini ofuna ukuyi-editha).
  7. Lokhu kuzokubuyisela emuva ephostini yakho bese uthoma uku-editha umsebenzi wakho ukuze ukghone ukungezelela elinye ilwazi namkha okuthileko ofuna ukukulungisa.

Tjheja: Nangabe u-Editha wemiTlolo uhlola umsebenzi wakho begodu aveze ama-athikili, ungahle ungakghoni uku-editha iphosti yakho nasele u-Editha wemiTlolo ayivezile. 

Ukuhlaziya (Reflection)

Ingabe khewatlola i-athikili namkha wa-editha i-CV yakho ku-Microsoft Word namkha ku-Google Docs? Ingabe khewatlola iposomoya (email) ku-Gmail? Cabanga ngokuthi lokhu kufana kangangani nekambiso yokutlola i-athikili ku-inthanethi.

Ungahle ungacabangi ukuthi ungumtloli kodwana ingabe uyazi ukuthi uhlela bewuleke (lay out) okutlolako – okubuye kwaziwe ngokuthi kutlola – qobe ngelanga lokha nawuthumela umlayezo we-WhatsApp, uphosta okuthileko ku-Facebook namkha utlama iposomoya (email). Ungumtloli!

Isirhunyezo

Kilesifundo ufunde ukuthi:

  • Ungena njani ku-WordPress
  • Uyitlola njani iphosti enesihloko nomtlolo
  • Uyifometha njani iphosti
  • Uyifaka njani ifayili yemidiya (media file)
  • Uyifaka njani iphosti esigabeni
  • Uwafaka njani amathegi ephostini
  • Uwuseyiva njani umsebenzi wakho
  • Uwu-editha njani umsebenzi wakho

Imibuzo

Hlola iragelophambili yakho
Ngiqedile nje! >>>

Developed with the support of the: