Dyondzo ya 2: Magoza yo hangalasa atikili eka inthanete – Diji

Eka dyondzo leyi, u ta dyondza hi vuxokoxo leswaku u nga nghena njhani eka webusayiti ku hangalasa atikili ya wena. Leswi swi katsa:

Ku nghena eka webusayiti,
Ku tsala atikili ya wena,
Ku fomata leswi u swi tsaleke,
Ku engetela midiya, mfungho na swiyenge eka atikili ya wena, na
Ku yi hlayisa leswaku yi ta kamberiwa.

Hi swikongomelo swa khoso leyi, hi ta tirhisa webusayiti ya Diji tahini xikombiso xa webusayiti ya WordPress.

Eku heleni ka dyondzo leyi u ta dyondza ndlela yo:

“Log in” Nghena eka webusayiti ya WordPress
Tsala no fomata atikili ya wena
Katsa midiya eka atikili ya wena
Katsa swiyenge na mfungho eka atikili ya wena
Hlayisa atikili ya wena
Hlela atikili ya wena loko u yi hlayisile

Nkambisiso wa magoza

Loko u nga si nghena, loko u lava ku tsarisa akhawunti naswona u nga si endla tano:

Yana eka: www.diji.africa/ts/wp-admin
Tlilika batheni ya “Register” (Tsarisa) laha hansi na
Landzelela swiletelo ku hetisisa ku tsarisa akhawunti ya wena.

Goza ra 1: Nghena (Log in)

Loko u tsarisile akhawunti naswona u lava ku nghena eka inthanete, landzelela magoza lama landzelaka:

Yana eka: www.diji.africa/ts/wp-admin (Laha hi laha u nghenaka eka inthanete).
Tsala vito ra wena ra akhawunti kumbe adirese ya imeyili eka bokisi ro sungula.
Tsala rito ra wena ra xihundla eka bokisi ra vumbirhi.*
Tlilika bokisi ra ku ‘’Remember me” (Ndzi tsundzuke)
Tlilika bokisi ra “Log in” (Nghena)

*U nga cinca rito ra wena ra xihundla hi ku tlilika “lost your password?” (U lahlekeriwe hi rito ra wena ra xihundla?) Eka pheji ro nghena. Tiyisisa leswaku rito ra wena ra xihundla lerintshwa ri tiyile hi ku katsa swilo swo fana na mimfungho, xikombiso @ , ! na *, maletere lamakulu na tinomboro. Hlayisa rito ra wena ra xihundla leswaku ku nga vi na munhu loyi a nga ta ri vona.

Goza ra vu 2: Tsala atikili (poso)

Loko se u nghenile eka akhawunti ya wena, u ta vona xibokisana xa ntima xi humelela ehenhla ka pheji. Ku titoloveta magoza lama laha hansi, pfula thebu leyintshwa kumbe window. Leswi swi ta ku pfumelela ku dyondza, ku titoloveta leswi u swi dyondzaka, hi nkarhi wun’we.

Tlilika “+”
Menyu wo yisa ehansi wu ta humelela. Tlilika eka “Post” (Poso).

3. WordPress yi vitana tiatikili ‘tiposo’. Ku katsa poso leyintshwa, tlilika mfungho wa +
4. Menyu wo yisa ehansi wu ta humelela. Ku sungula poso, tlilika eka “Post” (Poso).
5. U ta yisiwa eka pheji laha u nga ta katsa nhlokomhaka na tsalwa ra poso ya wena.

Nghenisa nhlokomhaka eka poso ya wena

Sweswi u lunghekile ku sungula ku tsala atikili kumbe poso ya wena. U ta sungula hi ku tsala nhlokomhaka kutani u tsala ‘vundzeni’ bya poso ya wena:

Sungula ku tsala atikili ya wena hi ku katsa nhlokomhaka.
Eka bokisi ro sungula (laha yi nge “Add title”) (Katsa nhlokomhaka) u ta thayipa nhlokomhaka ya atikili ya wena (poso)
Nhlokomhaka ya wena yi fanele yi hlamusela vundzeni bya atikili ya wena. Eka xikombiso xa “Ukupheka” yi thayipiwile endzeni ka bokisi.

Tsala vundzeni bya atikili kumbe poso ya wena

Endzeni ka bokisi ro sungula, wa swi vona leswaku nhlokomhaka yi katsiwile. Sweswi u lunghekile ku katsa tsalwa ra wena (leri tlhelaka ri vuriwa vundzeni) bya atikili kumbe poso ya wena:

Eka bokisi ra vumbirhi ra tsalwa lerikulu ehansi ka nhlokomhaka, sungula ku thayipa tsalwa ra wena.
Eka xikombiso lexi tsalwa leri landzelaka ri katsiwile: “I-athikili yami yokuqala yokupheka lena ngyethemba ukuthi nizokujabulela ukuyifunda.”/ “Leyi i atikili yo sungula ndzi nga yi tsala hi ku sweka. Ndza tshemba leswaku u ta tsakela ku yi hlaya.”
Lawa i masungulo ya atikili ya wena. U nga katsa matsalwa yo tala hi laha u lavaka hakona, na ku ya andlala hilaha u navelaka hakona.

Ku susa fomati ya tsalwa leri kopiweke

ku kopa na ku namarheta matsalwa ku suka eka tindhawu to hambana-hambana laha marungula ya kumekaka kona swi nga humesa mapheji ya tiwebusayiti to hlanganahlangana swinene. Swi kahle ngopfu ku mpfampfarhuta atikili ya wena eka WordPress kutani u yi hlayisa leswaku u ta tirha eka yona endzhaku. Hambiswiritano, loko u tsarile tsalwa ra wena kun’wana (Microsoft Word, Google Docs) naswona u lava ku kopa na ku ri namarheta eka poso ya wena, u fanele u susa fomati yin’wana na yin’wana leyi nga kona hi ku:

Ku kopa tsalwa ku suka eka Google kumbe Word
Ku tlilika eka xinene eka atikili laha u lavaka ku nghenisa tsalwa na
Ku hlawula (Paste and Match Style), xileriso lexi namarhetaka tsalwa hi ku fometa ka tsalwa leri nga le kusuhi (xileriso lexi xi nga va xi hambanile eka tibrawuzara ta webusayiti to hambana-hambana).

U nga tlhela u tirhisa GMail ku susa fomati u nga si yi katsa eka atikili ya wena hi ku:

Namarheta tsalwa ra wena eka imeyili leyi tsariweke
Tlilika eka “More options” (Tindlela tin’wana) (tidoto tinharhu ehansi ka menyu wa GMail)
Tlilika “Plain text mode” (Tsalwa leri nga fomatiwangiki)
Ku kopa na ku namarheta tsalwa eka atikili ya wena eka atikili ya WordPress.

Tithekiniki leti ti ta susa fomati ku suka eka atikili ya wena. U nga ha yi fomata eka web (vona Goza ra vu 3 laha hansi).o. Emva koko unokuyilungisa kwiwebhu (jonga Inyathelo 3 ngezantsi).

Goza ra vu 3: Hlela leswi u swi tsaleke

U nga endla poso ya wena yi languteka ku antswa hi ku tirhisa switirhisiwa swo fomata swo sungula ku fana na ku endla minxaxamelo, ku katsa tinhlokomhaka, hi ku veka matsalwa hi maletere yo “bold” (dzhwihala) kumbe “italics” (ithaliki). Ku fana na Microsoft Word, u nga tshikilela “B” eka menyu ku endla tsalwa ri “bold” (dzhwihala) kumbe “I” loko u lava ku endla tsalwa ri va “italics” (ithaliki). Rito rin’wana ro fomata i ku andlala.

Ku katsa nhlokomhaka

Tinhlokomhaka ti ku pfuna ku hambanyisa tsalwa ra atikili ya wena na ku yi endla leswaku yi olova ku yi hlaya. U nga veka tinhlokomhaka to hambana-hambana hambi ku ri tinhlokomhaka-ntsongo loko u tsala hi mayelana na nchumu wo karhi hi vuxokoxoko

Xo sungula, hlawula nhlokomhaka u nga si thayipa.
Endzhaku ka sweswo, tlilika mfungho wa + ku katsa xibokisana na ku hlawula xibokisana xa “Heading” (Nhlokomhaka). Loko u nga yi voni, u nga yi kamba eka menyu wo lavisisa laha yi nge, “Search for a block” (Lavana na xibokisana).u (+) ukongeza ibhloko kwaye ukhethe ibhloko “Heading”. Ukuba awuyiboni, ungayikhangela kwibhokisi yokukhangela apho ithi, “Search for a block”.

3. Thayipa nhlokomhaka ya wena. Yi ta nghenisiwa tanihi “Heading 2” (Nhlokomhaka ya 2, leyi faneleke eka nhlokomhaka leyi nga endzeni ka tsalwa. U nga katsa tilevhele to hambana-hambana ta tinhlokomhaka hi ku ya hi swilaveko swa wena. Xikombiso. Loko u tsala hi ku sweka, u nga katsa “Tinxaka ta Matsavu” tanihi “Heading 2” nhlokomhaka ya H2 na “Matamatisi”, “Tinyala” na “Xipinachi” tahini “sub-headings” tinhlokomhaka-ntsongo ta H3 ta “Tinxaka ta Matsavu”.

4. Loko u tlilika batheni ya “Enter” (ku nghena), layini leyi landzelaka yi ta tlhelela endzhaku eka tsalwa ra ntolovelo (xikombiso, Tsalwa ra ndzimana).

Hlayisa ntirho wa wena

U fanele ku hlayisa atikili ya wena loko u karhi u tirha eka yona leswaku ku cinca loku u ku endleke ku nga lahleki. Ku endla leswi tlilika eka batheni ya “Save draft” (Hlayisa mpfampfarhuto) ehenhla ka pheji. Loko u tirhisa selifoni,batheni leyi ku ta va ku ri nseve lowutsongo na mfungho wa papa.

Ntirho wa 2.1

Sweswi tirhisa leswi u nga swi dyondza ku endla atikili ya wena yo sungula eka WordPress. U nga vileli, a yi bohi leswaku yi va leyi hetisekeke. Endla poso leyintshwa, katsa tsalwa leri vekiwaka ehenhla ka pheji na ku tsala tsalwa ro karhi eka vundzeni bya window. Loko u endlile leswi, hlayisa atikili.

Swibokisana (Blocks)

WordPress yi tirhisa swibokisana swo aka swo hambana-hambana ku ku pfuna ku andlala atikili ya wena. Kutani, loko u lava ku katsa nhlokomhaka, u ta nghenisa xibokisana xa nhlokomhaka tanihi laha hansi.

Loko u lava ku engetela nxaxamelo, u ta tirhisa xibokisana xa nxaxamelo.

U nga fambisa swibokisana hi ku tirhisa minseve ya le henhla na ya le hansi

U nga tlhela u cinca muxaka wa xibokisana hi ku tlilika eka xibokisana, tlilika mfungho wa yona ehenhla eximatsini xa xikirini. Ehansi ka tsalwa leri nge “Transform to” (Cinca eka) u nga hlawula muxaka lowuntshwa wa xibokisana lexi u nga tsakelaka ku xi tirhisa.

Endla nxaxamelo

U nga tirhisa mimfungho ya nxaxamelo kumbe tinomboro ku endla nxaxamelo. Nxaxamelo wu pfuna hi ku hlaya na ku andlala rungula.

Loko u lava ku endla nxaxamelo, tlilika eka mfungho wa + ku engetela xibokisana na ku hlawula xibokisana xa “List” (nxaxamelo). Loko u nga wu voni, u nga wu lavalava eka menyu wa ku lavalava laha ku nge “Search for a block” (Lavana na xibokisana).
katsa nchumu wo sungula eka nxaxamelo wa wena.
Nkarhi hinkwawo loko u katsa nchumu lowuntshwa hi ku tlilika “Enter” (Nghena) na ku ya eka layini leyi landzelaka, mfungho wuntshwa wa nxaxamelo wu ta endliwa.

Ku katsa “hyperlinks” (swihlanganisi swa webusayiti)

“Hyperlinks” Swihlanganisi swa webusayiti i swihlanganisi swa vundzeni byin’wana eka inthanete. U nga ha hlanganisa na atikili yin’wana eka webusayiti leyi fanaka (an internal hyperlink) (xihlanganisi xa le ndzeni) kumbe webusayiti yin’wana (an external hyperlink) (xihlanganisi xa le handle). Ku katsa eka “hyperlink” (xihlanganisi):

Hlawula tsalwa leri u lavaka ku ri tirhisa ku endla xihlanganisi xa webusayiti. Xikombiso. Loko u tsala hi matsavu, u nga hlanganisa rito “matamatisi” na atikili yo karhi eka tinxaka to hambana-hambana ta matamatisi.
Loko u hlawurile tsalwa ra ku ri hlanganisa eka webusayiti, tlilika batheni ya ku hlanganisa (leyi langutekaka ku fana na linki yo hlanganisa) ehenhla ka xikirini.
Loko u hlanganisa atikili leyi nga eka webusayiti leyi u tirhaka eka yona, u nga lavana na tiatikili eka webusayiti. Loko u hlanganisa eka yin’wana, webusayiti ya le handle, u fanele u katsa URL (leyi vitaniwaka adirese ya webusayiti).
Fambisa “Open in a new tab” (Pfula eka pheji rintshwa) eka xinene loko u lava xihlanganisi xa webusayiti ku pfula eka window leyintshwa. Maendlelo lama nga toloveleka hi leswaku:
1. Tiatikili leti nga le ka webusayiti leyi fanaka, swihlanganisi swa webusayiti swi pfula eka mfungho leyi fanaka.
2. Tiatikili leti nga eka webusayiti ya le handle, swihlanganisi swa webusayiti swi pfula eka pheji lerintshwa.

Nkoka wa ku fomata

Xiya ku hambana exikarhi ka atikili leyi nga le ka ximatsi na le ka xinene. Leyi yi na tsalwa leri nga fomatiwangiki leyin’wana yi na tsalwa leri fomatiweke ku katsa nhlokomhaka na mfungho wa nxaxamelo.

Ntirho wa 2.2

Tlhelela eka atikili leyi a wu tirhela eka yona eku sunguleni. Sweswi engetela ku fomata ko tala ku fana na nxaxamelo na xihlanganisi xa webusayiti.

Goza ra vu 4: Katsa tifayili ta midiya

U nga katsa tifayili ta midiya ku hlamusela atikili ya wena kumbe ku yi endla yi tsakisa swinene na ku koka rinoko ra vahlayi va wena. U nga katsa fayili ya vhidiyo ku suka eka riqingho ra wena ra le nyongeni, khomphyuta kumbe thebulete. Ku endla leswi:

Tlilika eka + eka atikili naswona u engetela xibokisana xintshwa. U nga lavisisa, na ku katsa, xifaniso, galari (swifaniso swo tala), mpfumawulo kumbe xibokisana xa vhidiyo.
U nga rhumela midiya ku suka eka riqingho ra wena. Leswi swi fana na ku rhumela xifaniso eka “apps” (tiphurogireme ta khomphyuta) kumbe tiwebusayiti to fana na Facebook, WhatsApp na Instagram.
Loko u hlawurile xibokisana xa wena xa midiya, tlilika eka batheni ya “Upload” (Rhumela). Kutani u ta kota ku hlawula tifayili ku suka eka riqingho ra wena, khomphyuta kumbe thebulete, kumbe ku teka xifaniso u xi rhumela.

4. Endzhaku ko katsa xifaniso xin’we, u nga hlawula ku katsa swin’wana ku endla galari. Ku endla leswi, cinca muxaka wa xibokisana:

Tlilika eka xibokisana kutani eka mfungho wa xona le henhla eximatsini xa xikirini.
Ehansi ka tsalwa leri nge, “Transform to” (Cinca eka) u nga hlawula muxaka wuntshwa wa xibokisana lexi u nga tsakelaka ku xi tirhisa, eka mhaka leyi, galari. Kutani u ta kota ku hlawula swifaniso swin’wana leswi u nga ta swi engetela eka galari ya wena.

5. Loko fayili ya wena ya mediya (xifaniso, vhidiyo kumbe mpfumawulo) yi rhumeriwile yi ta humelela eka “Media Library” (Databezi ya le ka inthanete) naswona vatirhisi van’wana va ta kota ku yi tirhisa eka tiposo ta vona.

6. U nga tlhela u tirhisa midiya leyi vanhu van’wana va yi rhumeleke eka Media Library (Databezi ya le ka inthanete) hi ku engetela xibokisana xa midiya (xifaniso, galari, vhidiyo na swin’wana.), tlilika “Media Library”(Databezi ya le ka inthanete) na “Select” (Hlawula).

7. Xo hetelela, u nga “embed” (nghenisa) rungula leri kumekaka kun’wana. “Embedding” Ku “nghenisa” rungula eka webusayiti ya wena swi vula leswaku ri ta humelela eka webusayiti ya wena. Xikombiso, u nga katsa xibokisana xa YouTube kutani u kopa adirese ya vhidiyo kutani u yi nghenisa eka webusayiti ya wena.

Ntirho wa 2.3

Tlhelela eka atikili leyi u yi endleke eku sunguleni. Hlawula man’wana ya matsalwa eka window yo hlela na ku tirhisa switayele swo hambana-hambana eka yona ku fana na ku dzhwihala kumbe ithaliki, hi ku tirhisa menyu eka xikirini xa khomphyuta leyi nyikaka mfikelelo wa xihatla eka mintirho yo karhi. Sweswi rhumela na ku nghenisa xifaniso eka atikili. Tlilika “save draft” (“hlayisa mpfampfarhuto”).

Goza ra vu 5: Katsa atikili ya wena/poso eka xiyenge

“Categories” (Swiyenge) na “tags” (mimfungho) swi pfuneta ku hlela rungula eka webusayiti leswaku vaendzeri va webusayiti va ta ri fikelela hi ku olova. Xikombiso, vaendzeri va webusayiti lava nga na ku tsakela eka ku sweka va nga ha tlilika eka xiyenge xo (Sweka) “Cooking”. Loko va ri na ku tsakela eka matamatisi, va ta tlilika eka mfungho wa “Tomatoes” (Matamatisi).

Katsa atikili ya wena eka “category” (xiyenge)

Loko u hetile atikili ya wena, u fanele u yi katsa eka xiyenge na ku tlhela u katsa mimfungo eka yona. Ku endla leswi:

Tlilika “wheel/cog” (vhilwa ra matino) ekhoneni ya le henhla eka voko ra xinene ra xikirini.
Tlilika “Post” (Poso) na “Categories” (Swiyenge). Tlilika bokisi leri fambelanaka na xiyenge lexi faneleke. Ku ta humelela mfungho wo kambela laha.
Eka xikombiso, xiyenge xa “Cooking” (Ku Sweka) xi kombisiwile.

Engetela “tags”‘(mimfungho) yo karhi

Mimfungho ku fanele ku va marito lama hlamuselaka mhaka-nkulu eka poso ya wena naswona yi fanele yi va leyi kongomeke ku tlula swiyenge leswi tolovelekeke swinene. Ku endla leswaku swi olova eka vatirhisi va webusayiti ku hlaya mimfungho ya wena, i mianakanyo ya kahle ku va na ndlela ya ntolovelo yo yi tsala. Xikombiso, u nga teka xiboho xa leswaku mimfungho yi fanele ku sungula hi letere lerikulu naswona yi fanele ku tsariwa hi xivumbeko xa vunyingi. Eka mhaka leyi, mimfungho ya wena yi ta languteka hi ndlela leyi: “Carrots” (Tikherotsi) ku nga ri “carrot” (kherotsi). Ku engetela mimfungo eka poso ya wena, u fanele u:

Tlilika vhilwa ra matino ekhoneni ya le henhla eka voko ra xinene ra xikirini.
Tlilika “Post” (Poso) na “Tags”(Mimfungho).
Ehansi ka “Add New Tag” (Katsa Mfungho Lowuntshwa), thayipa marito ya nkoka lama hlamuselaka vundzeni bya atikili/poso ya wena. Xikombiso. Loko u tsala eka xiyenge xa ku Sweka, mimfungho ya wena ku nga va “Onions” (Tinyala), “Tomatoes” (Matamatisi) na “Lettuce” (Lethasi).
Mfungho wun’we wu nga va wu enerile ku hlamusela mhaka-nkulu eka poso. Loko u katsa yo tala, yi fanele yi hambanyisiwa hi khoma.

Loko u katsile atikili ya wena eka xiyenge na ku katsa mimfungho hinkwayo leyi u yi lavaka, tlilika mfungho wa ‘X’ ekhoneni ya le henhla ya voko ra xinene ra xikirini ku pfala ku vekiwa ka poso na ku tlhelela eka atikili ya wena.

Ntirho wa 2.4

Anakanya hi ndlela leyi u nga hambanyisaka atikili ya wena hi swiyenge. Xana yi vulavula hi yini? Xana u nga hlanganisa atikili ya wena njhani na tiatikili tin’wana? Katsa xiyenge eka atikili ya wena. Sweswi anakanya hi tinhlokomhaka ta atikili ya wena. Katsa leswi tanihi mimfungho.

Goza ra vu 6: Hlayisa na ku rhumela ntirho wa wena

U fanele u hlayisa tiatikili ta wena loko u karhi u tirhana na tona leswaku ku cinca loku u ku endleke ku nga lahleki. Ku endla leswi tlilika eka batheni ya “Save draft” (Hlayisa mpfampfarhuto) ehenhla ka pheji. Loko u tirhisa selifoni, batheni leyi yi ta va nseve lowutsongo na mfungho wa papa.

Loko u tsalela webusayiti, Muhleri wa Marungula u ta kambela ntirho wa wena u nga si wu hangalasa. Leswi swi vula leswaku wu ta rhumeriwa na ku hangalasiwa leswaku vanhu van’wana va ta kota ku wu hlaya loko va endzela webusayiti. Loko u lunghekile ku rhumela atikili ya wena ku va Muhleri wa Marungula a wu kambela, tlilika:

Batheni ya “Publish” (Hangalasa) na
Batheni ya “Submit for Review” (Ku Rhumela ku Kamberiwa)

Leswi swi ta kombisa eka muhleri wa marungula leswaku u hetile hi atikili ya wena na leswaku yi lunghekile ku va va yi kambela.

Hlela ntirho wa wena

U nga ha lava ku cinca kumbe ku engetela swin’wana eka poso ya wena loko u yi hlayisile. Xikombiso, u nga ha lava ku engetela marungula kumbe u nga ha lava ku lulamisa leswi u swi tsaleke. Loko swi ri tano, u nga vuyela eka poso ya wena no ya emahlweni u yi hlela. Ku hlela swi vula leswaku u endla ku cinca eka yona. ku hlela poso ya wena:

U fanele ku ya eka bodo ya vulawuri. Ku fika kona, tlilika tilayini tinharhu eka menyu ehenhla etlhelo ra ximatsi ra xikirini.
Tlilika rito ra “Dashboard” “Bodo ya vulawuri”.
Endzhaku ka sweswo, tlilika rito “Posts” (Tiposo). Menyu wu ta humelela.
Eku heteleleni, tlilika marito ya “All Posts” (Tiposo Hinkwato). Leswi swi ta ku yisa eka nxaxamelo wa tiposo hinkwato.
Kuma nhlokomhaka ya poso leyi u lavaka ku yi hlela.
Yi hlawule na ku tlilika bokisi ra “Edit” (Hlela) ehansi ka nhlokomhaka ya wena (eka poso leyi u lavaka ku yi hlela”.
Leswi swi ta ku tlherisela eka poso ya wena naswona u nga sungula ku hlela ntirho wa wena ku katsa rungula leri engetelekeke kumbe u katsa leswi u lavaka ku swi lulamisa.

Xiyaxiya: Loko Muhleri wa Marungula a kambela ntirho wa wena na ku hangalasa tiatikili, swi nga endleka u nga swi ha koti ku hlela poso ya wena loko Muhleri wa Marungula a yi hangalasile.

Ku anakanya

Xana u tshama u tsala atikili kumbe ku hlela CV ya wena eka Microsoft Word kumbe Google Docs? Xana u tshama u tsala imeyili hi Gmail? Anakanya hi le ndlela leyi leswi swi fanaka hi yona eka endlelo ro tsala atikili eka inthanete.

U nga ka u nga ehleketi leswaku u mutsari kambe xana wa swi lemuka leswaku wa kunguhata na ku andlala rungula – leswi tlhelaka swi tiviwa tanihi ku tsala – masiku hinkwawo loko u rhumela rungula ra WhatsApp, u rhumela swin’wana eka Facebook kumbe ku tsala imeyili. U mutsari!

Nkatsakanyo

Eka dyondzo leyi u dyondzile:

Ndlela yo nghena eka WordPress
Ndlela yo tsala poso yo va na nhlokomhaka na tsalwa
Ndlela yo fomata poso ya mina
Ndlela yo katsa fayili ya midiya
Ndlela yo hambanyisa hi swiyenge poso ya mina
Ndlela yo katsa mimfungho eka poso ya mina
Ndlela yo hlayisa ntirho wa mina
Ndlela yo hlela ntirho wa mina

Swivutiso

Kambela nhluvuko wa wena.

Sweswi ndzi hetile! >>>